Fat bottom girls...

Tveir dagar búnir af nýnemavikunni og hingað til líst mér bara vel á þetta. Fólkið sem ég er allavega með í prógrammi virkar vel á mig við fyrstu sýn. Við erum víst 22 í bekknum að mér skilst, hefðum átt að vera 30 en það voru í víst 8 sem mættu ekki á skráningardaginn. 22 er því líklegast niðurstaðan og því bara vona á kósý-tæm hjá svona litlum bekk. Heheh.

Er annars að byrja í master sem heitir marketing and consumption og er þetta nýtt prógramm í skólanum. Hefur aldrei verið kennt áður og því svolítið spennandi að vita hvað maður er að fara út í. Eina sem ég hef í höndunum í dag er hvaða daga tímarnir verða næstu 6-8 vikurnar. Hef ekki hugmynd um hvernig verkefni eða kennslufyrirkomulag er, svo ég er mjög spennt að skólinn verði settur á mánudaginn.

En aftur að nýnemavikunni... Semsagt tveir dagar búnir.
Fyrsti dagurinn (í gær) fór aðallega í það að eldri nemar kynntu fyrir okkur skólann, félagslífið og lífið í Gautaborg almennt. Var ágætis dagur en mikill hluti hans fór í allskonar bið þar sem dagskráin var ekki að ná tímalimitinu sem hverjum dagskrálið var sett. Dagurinn byrjaði snemma um morguninn og lauk ekki fyrr um 6 leytið, eða þá fór ég allavega heim.

Í dag var dagurinn aðeins styttri. Fór á kynningu um skráningu inní landið, auk bókasafns- og heilsugæslukynningar. Eftir það dreif maður sig heim en það var víst ekki mikil hvíld sem maður fékk þar sem "the deputy major" hafði boðið nýnemum í Gautaborgarháskóla til formlegs kvöldverðar á slaginu 6. Ég fékk því skamman tíma til að gera mig til og finna formleg föt í þessu alltof litla úrvali af fötum sem ég er með (verð að fara að bæta úr því held ég). Þetta varð fínasta kvöld þar sem maður fékk að kynnast samnemendunum aðeins betur.

Dagskráin heldur áfram á morgun: tölvuaðgangur og rútuferð um borgina auk hópeflis. Það á sko ekki að láta manni leiðast hérna fyrstu dagana, sem er bara gott :)

Pís át!!

Bjallan hringir...

Þá er maður kominn til Gautaborgar eftir að hafa verið í Stokkhólmi í tæpa viku. Keypti mér lestarmiða á 1 krónu sænskar sem maður getur bara kallað nokkuð gott verð.

Ég og Villi höfðum það voða kósý í höfuðborg Skandinavíunnar þrátt fyrir smá stress í byrjun að finna samastað í vetur fyrir drenginn. Okkur tókst svo að kúpla okkur strax í námsmannagírinn og var því ekki mikið spreðað, þó ekki hafi verið skorið við nös heldur. Mætti bara segja að við tókum skynsemina á þetta.

Gat líka yfirgefið drenginn með góðri samvisku vitandi að hann yrði ekki á götunni í Stokkhólmi á meðan náminu stendur. Hann fékk stúdíó-íbúð og flytur inn í lok ágúst, svona þegar hann er búinn að redda sér helstu húsgögnum.

Ég byrja svo í heljarinnar kynningarprógrammi á morgun í skólanum. Dagskráin gefur til kynna að það verði voða mikið hópefli í gangi fyrstu dagana. Vonandi er þetta bara góður og skemmtilegur hópur sem maður mun stunda nám með næstu tvö árin.
Námið sjálft virðist þó ekki eiga að taka of mikinn tíma frá manni þar sem stundataflan segir að tímar í fögunum sé oftast frá 10-12 eða 13-15, nánast á hverjum degi en þó eru frídagar inná milli. Semsagt tveir tímar á dag í skólanum . Maður mun svo að sjálfsögðu reyna að vera duglegur að læra til að standa sig sem best og geta eytt einhverjum helgum með Stokkhólmsgæjanum. Svo ég tali nú ekki um allar hinar heimsóknirnar sem ég á von á... Er þaggi annars peeps?? ;)

Later annars á ykkur

Stellino
-sem er ekkert búin að versla í H&M

Stockholm, Sverige

Hmmm..kannski kominn tími á að segja frá fyrstu dögunum í Stokkhólmi.

Fengum gistingu hjá vinkonu systur Villa fyrstu dagana. Fékk smá áfall fyrst þar sem við höfðum fengið að vita að við myndum gista á sófanum í stofunni (allt í góðu með það), gerði bara ekki ráð fyrir að íbúðin væri stúdíóíbúð sem þýddi að rúm stelpunnar var skáhalt á móti sófanum.

Gistum þar í fjórar nætur og þrjár af þeim var eigandinn ekki heima svo við nutum góðs af því og fengum að sofa í rúminu sem var bara frekar næs.

Fyrsti dagurinn í Stokkhólmi var langur, lentum um 13 leytið og sáum þá að KTH var með móttöku á erlendum nemum og okkar beið rúta til að flytja okkur í KTH. Þar var upplýsingapakka úthlutað sem innihélt m.a. símkort, svo ég var snögg að þykjast vera verkfræðinemi tilbúin að nema við skólann.

Við Villi tókum svo gott session á McDonalds (vorum þar í tvo-og-hálfan tíma að spila Monopoly á I-phone) þar sem við gátum ekki komist í hús með töskur fyrr en hálf6.

Það tók svo við löng ganga frá neðanjarðarlest til íbúðar þar sem tilfinning í höndum var ekki til staðar þegar á leiðarenda var komið. En ljúft var það að setjast niður og fá sér kaldan bjór eftir langt ferðalag :)

Dagurinn var þó ekki alveg búinn þrátt fyrir að hjúin hafi farið snemma í rúmið. Uppúr eitt vaknaði nefnilega Stellan og klæjaði svona líka um allan líkamann. Kveikti ljósið og sá þá að húðin var upphleypt og bólgin á ýmsum stöðum. Ekki veit ég hvað þetta var en svefn og ofnæmispilla náðu þá að lækna þetta.

Dagarnir hafa annars verið rólegir. Tjill er eðal. Erum komin í íbúð á besta stað í Stokkhólmi tímabundið en Villi fer síðan í viðtal fyrir íbúð á sunnudag sem við erum vongóð með. Svo er ég bara á leiðinni til Gautaborgar á mánudaginn, þar sem heljarinnar kynningarvika hefst hjá skólanum á þriðjudagsmorgun.

Hef þetta ekki lengra í bili.

Stay tuned

Stellino